“Kujtesa e Kosovës: Rrëfimet e të mbijetuarve të masakrës së Krushës së Madhe”:
Projekti “Kujtesa e Kosovës: Rrëfimet e të mbijetuarve të masakrës së Krushës së Madhe” realizohet nga Biblioteka Kombëtare e Kosovës “Pjetër Bogdani” dhe nga Fakulteti Filozofik, Dega e Antropologjisë. Ky projekt synon të mbledhë, të dokumentojë, të publikojë dhe të promovojë rrëfime te të mbijetuarve dhe dëshmitarëve okularë të masakrës së Krushës së Madhe në komunën e Rahovecit në Kosovë. Deri në treqind [300] intervista të historisë gojore do të realizohen me qëllim të mbledhjes së kujtimeve dhe rrëfimeve të dëshmitarëve okularë të masakrës. Mbledhja e intervistave audio dhe video, si dhe e materialeve të tjera relevante, do të mundësojë një pasqyrë të masakrës së Krushës së Madhe, do të kontribuojë në zgjerimin e njohurive, si dhe në të kuptuarit më mirë të asaj që kjo masakër la pas.
Ne mbështetje te projektit te historisë gojore “Rrëfimet e të mbijetuarve të masakrës së Krushës së Madhe” projekt qe mbështetet nga Ministria e Kulturës, Rinisë dhe Sportit dhe zbatohet nga Biblioteka Kombetare e Kosoves “ Pjeter Bogdani “
Shpall
KONKURS
Për rekrutimin e 30 intervistuesve dhe transkriptuesve për projektin e historisë gojore “Rrëfimet e të mbijetuarve të masakrës së Krushës së Madhe”
I.
Institucioni: Ministria e Kulturës, Rinise dhe Sport/ Biblioteka Kombetare e Kosoves
“ Pjeter Bogdani “
Titulli i punës: Intervistues dhe transkriptues në projektin e historisë gojore “Rrëfimet e të mbijetuarve të masakrës së Krushës së Madhe”.
Institucioni: Biblioteka Kombëtare e Kosovës “Pjetër Bogdani”
Kategoria funksionale /Koeficienti:
Një intervistë = 50.00 Euro
Një transkriptë = 50.00 Euro
Gjithsej do të realizohen 300 intervista
Numri i referencës: 01/2021
Vendi: Prishtinë
Detyrat dhe përgjegjësitë:
1. Të ndjekin të gjitha trajnimet e organizuara në kuadër të projektit .
2. Të marrin pjesë në identifikimin e të intervistuarve.
3. Realizimi i intervistave me standarde të larta etike dhe profesionale.
4. Transkriptimi i intervistave në mënyrë autentike dhe të saktë.
Shkollimi i kërkuar, përvoja, aftësitë dhe karakteristikat personale:
1. Të diplomuar ose në vitin e fundit të studimeve në Fakultetin Filozofik apo në Fakultetin Filologjik.
2. Të dorëzohet një CV me detaje të shkollimit dhe përvojës, veçanërisht përvojës dhe angazhimit paraprak në realizimin e intervistave në terren.
3. Së paku një rekomandim që dëshmon përvojën në këtë fushë.
Përzgjedhja e kandidateve:
Përzgjedhja e kandidateve do të bëhet nga komisioni profesional përmes intervistimit të secilit kandidat që i plotëson kushtet dhe kriteret e përcaktuara në këtë konkurs.
Procedurat e konkurrimit:
Konkursi është i hapur për të gjithë kandidatët e interesuar që i plotësojnë kriteret e përcaktuara në konkurs.
Kohëzgjatja e emërimit: 1 vit
INFORMATË E PËRGJITHSHME PËR TË GJITHË KANDIDATËT
Data e aplikimit është nga 04.02.2021
Dokumentacioni i kandidateve duhet të dërgohet deri me 12.02.2021 në adresën:
Ministria e Kulturës, Rinisë dhe Sportit /Departamenti Trashëgimisë Kulturore/Biblioteka Kombetare e Kosoves“ Pjeter Bogdani “ për projektin:
“Kujtesa e Kosovës: Rrëfimet e të mbijetuarve të masakrës së Krushës së Madhe”:
Zyra Nr. 22 Adresa : Sheshi “ Nëna Terezë “ Nr. 35, Prishtinë.