Ftojmë studentët e Fakultetit Filozofik të marrin pjesë në punëtorinë "Arkivimi prej poshtë”, udhëhequr nga arkivi dhe platforma edukuese MayDay Rooms në Londër. Kjo punëtori organizohet nga Heritage Space (CHwB Kosova), kolektivi Pykë-Presje, dhe Departamenti i Sociologjisë. 

MayDay Rooms është një arkiv i themeluar në vitin 2014 në Londër, me qëllim ruajtjen e historive dhe dokumenteve të rezistencës, duke i lidhur ato me protestat dhe përpjekjet bashkëkohore. Puna e tij fokusohet në aktivizimin e materialeve historike radikale dhe eksperimentale, përmes edukimit, kërkimeve informale, digjitalizimit dhe shpërndarjes online.

Studentët do të kenë mundësinë të eksplorojnë materiale historike nga koleksionet e MayDay, të mësojnë për proceset e arkivimit, dixhitalizimit dhe shpërndarjes së materialeve të tyre për të krijuar kundër-arkiva.

 Kur: 15 nëntor, e premte. 11:00 - 14:00.

 Ku: Salla 127, Fakulteti Filozofik, Universiteti i Prishtinës. 

linku i formularit për aplikim: https://forms.gle/sboZMnD78r3eqF8w9