Departamenti i Sociologjisë
A është sociologjia për mua
A ju ka ndodhur ndonjëherë që, kur keni vizituar një vend të largët a të panjohur, të shikoni peizazhin dhe shtëpitë nga larg dhe të pyesni me habi se kush jeton në to, përse jetojnë aty dhe jo diku tjetër, si jetojnë, çfarë besojnë e mendojnë, çfarë janë duke bërë në ato çaste dhe të ngjashme?
Nëse po, atëherë, ju keni një kureshtje sociologjike. Jeni nga ata që, siç thotë sociologu Peter Berger, nuk kënaqen me soditjen e peizazhit, por pyesin edhe për njerëzit që jetojnë në shtëpitë aty.
Pse të studiojë sociologji në Universitetin e Prishtinës
Nëse doni ta ushqeni këtë kureshtje, duke mësuar se çfarë dimë për banorët e vendbanimeve, për jetën e familjeve në shtëpi, për fqinjët që takohen në lagje, për moshatarët në shkollë, për kolegët në vendet e tyre të punës, e të tjerë, dhe si mund të dimë më shumë për marrëdhëniet mes njerëzve dhe grupeve në ato mjedise, për punët dhe rolet e tyre në ato mjedise shoqërore, për doket, shprehitë, besimet dhe qëndrimet e tyre, adresa është: Departamenti i Sociologjisë në Fakultetin Filozofik të Universitetit të Prishtinës.
Sociologjia është shkencë që drejton vëmendjen kah jeta reale shoqërore: ndërtimi, funksionimi, ndryshimet, grupet, identitetet, bashkëpunimet, konfliktet, pabarazitë dhe dallimet shoqërore. Disiplinat e sociologjisë ndihmojnë zhvillimin e ndjesisë sociologjike, që mundëson të kuptuarit e shoqërisë dhe individit në shoqëri ose, me fjalë të tjera, të kuptuarit e identitetit, besimit, qëndrimit, moralit e sjelljes individuale dhe grupore në kuadër të rrethanave dhe forcave shoqërore. Departamenti i Sociologjisë është shkolla e të gjithëve që synojnë rritjen e kureshtjes sociologjike dhe të zbulojnë çfarë ofron sociologjia si shkencë.
Ku do të mund të punojë si sociolog/-e
Studimi i sociologjisë zhvillon aftësitë e studentëve për vrojtime, analiza e hulumtime dhe i aftëson ata si sociologë profesionistë, kompetentë për të kryer një numër punësh, si analistë të të dhënave, analistë të politikave publike, këshilltarë të politikave publike, vlerësues programesh, menaxherë programesh, hartues dhe drejtues të hulumtimeve empirike, mësimdhënës, këshillues shkollor, e të tjera. Të diplomuarit në sociologji janë aktivë në jetën publike dhe në tregun e punës: në organizata të shoqërisë civile e nisma qytetare, në nisma politike, në qendra të punës sociale, në shkolla, në institute hulumtuese, në gazetari, në akademi e universitete, e të tjera.
Cilat programet studimore i ofron Departamenti i Sociologjisë
Me dy nivelet e studimit, tri vite bachelor dhe dy vite master, Departamenti i Sociologjisë në Universitetin e Prishtinës ofron një agjendë të pasur për studentët e tij. Përveç ndjekjes së ligjëratave dhe ushtrimeve të lëndëve që ofrohen në kuadër të programeve studimore, studentët kanë mundësi angazhimi në hulumtime dhe projekte të ndryshme, të cilat stimulojnë rrjetëzim me profesorë, organizata, institucione dhe bashkëpunëtorë të ndryshëm, si dhe përvoja pune. E gjithë kjo, njëkohësisht, u shërben atyre në analizimin dhe njohjen më të mirë të shoqërive në përgjithësi dhe të shoqërive tona në veçanti.
Programet studimore të Departamentit të Sociologjisë janë të kontekstualizuara; ato bazohen në metodën dhe dijet e përgjithshme sociologjike me qëllim për të studiuar dukuritë shoqërore në kontekste të veçanta. Merita e sociologjisë është se na ndihmon të mendojmë për dukuritë shoqërore përtej përvojave e përjetimeve tona personale dhe përtej klisheve të dijes tradicionale dhe asaj çfarë mësojmë nga media, prindërit, moshatarët, etj., për t’i kuptuar ato në mënyrë më analitike, më sintetike, më kritike, më abstrakte, dhe në formë më universale, më historike dhe më sistematike.
Departamenti mundëson edhe vizita studimore jashtë vendit. Një numër i përzgjedhur i studentëve tanë kanë kaluar një semestër akademik në kuadër të programit të shkëmbimit Erasmus+. Kjo u ka mundësuar atyre të pasurojnë bagazhin akademik dhe kontaktin e përvojën me komunitetin e studentëve dhe profesorëve nga vende të ndryshme të botës.
Programi i studimit BA Sociologji
Programi i studimit MA Sociologji
Çfarë aktivitetesh jashtëkurikulare organizon Departamenti i Sociologjisë
Departamenti i Sociologjisë organizon aktivitete tjera jashtëkurikulare, ndër to, promovime dhe diskutime të botimeve më të reja në gjuhën shqipe nga fusha e sociologjisë dhe shkencave të afërta, ligjërata publike, tryeza diskutimi dhe punëtori në kuadër të Kuvendit të Sociologjisë (https://www.facebook.com/groups/kuvendi dhe https://x.com/KuvendiSoc), grupe të leximeve, si për shembull grupin e leximit PIRG (Power and Ideology Reading Group). Gjithashtu, mësimdhënësit e Departamentit të Sociologjisë janë aktivë në organizimin dhe pjesëmarrjen e konferencave shkencore të organizuara nga Fakulteti Filozofik. Përveç këtyre, Departamenti është pjesë e shkollave të ndryshme verore, siç janë kurset sociologjike në kuadër të Universitetit Veror Ndërkombëtar i Prishtinës.
Departamenti ynë mbështet studentët e tij për punë praktike në një numër institucionesh shtetërore, institutesh dhe organizatash joqeveritare. Ndër projektet në të cilat janë angazhuar studentë nga departamenti ynë, bashkë me studentët e departamenteve tjera, janë: Kujtesa e Kosovës: rrëfimet e të mbijetuarve të masakrës së Krushës së Madhe, Kujtesa e Kosovës: histori gojore - 100 rrëfime nga 100 pleq e plaka; Muzeu i Shtëpive-Shkolla (Kosovë), e të tjera.
Ku mund ta gjejë Departamentin e Sociologjisë në internet dhe në media sociale
Prezantim i shkurtër i Departamentit në faqen e Fakultetit Filozofik: https://filozofiku.uni-pr.edu/page.aspx?id=1,62
Faqet e Departamentit për njoftime të shpejta rreth aktiviteteve në Departament: në Facebook https://www.facebook.com/departamentiisociologjise dhe në X: https://x.com/SociologjiaUP
Grupi Kuvendi i Sociologjisë në Facebook dhe X për materiale, informacione dhe njoftime rreth aktiviteteve me interes për studiuesit e sociologjisë: https://www.facebook.com/groups/kuvendi dhe https://twitter.com/KuvendiSoc
Adresa dhe kontakti
Departamenti i Sociologjisë (kati i tretë i Fakultetit Filozofik)
Fakulteti Filozofik
Rr. Eqrem Çabej, Nr. 21
Prishtinë
Shefi i Departamentit të Sociologjisë, Artan Krasniqi, [email protected]
Sekretarja: Lirika Demiri, [email protected]
Kush janë mësimdhënësit në Departamentin e sociologjisë
Profesorët
Ardian Gola, Kabineti #305, emaili: [email protected]
Biografia akademike: https://staff.uni-pr.edu/profile/ardiangola
Linda Gusia, Kabineti #317, emaili: [email protected].
Biografia akademike: https://staff.uni-pr.edu/profile/lindagusia
Gëzim Selaci, Kabineti #311, emaili: [email protected]
Biografia akademike: https://staff.uni-pr.edu/profile/gëzimselaci
Asistentët:
Artan Krasniqi, Kabineti #312, emaili: [email protected]
Biografia akademike: https://staff.uni-pr.edu/profile/artankrasniqi
Lirika Demiri, Kabineti #305, emaili: [email protected]
Bashkëpunëtorët e jashtëm asistentë:
Agnesa Haxhiu, Kabineti #305, emaili: [email protected]
Albert Mecini, Kabineti #318, emaili: [email protected]
Bleona Kurteshi, Kabineti #318, emaili: [email protected]
Greta Avdyli, Kabineti #318, emaili: [email protected]
- Universiteti i Prishtinës hap konkursin plotësues për plotësimin e vendeve të lira nga konkursi për pranimin e studentëve në studimet themelore - bachelor në vitin akademik 2024/2025
- Fakulteti Filozofik hap paraqitjen e afatit te shtatorit 2024
- Thirrje Publike, për angazhim të bashkëpunëtorëve të jashtëm për ligjërata dhe ushtrime në bazë të nevojave të njësive akademike, për VA 2024-2025
- Rezultatet përfundimtare të provimit pranues të konkursit për pranimin e studentëve në vitin e parë të studimeve baçelor afati i parë, për vitin akademik 2024/2025