Prof.Asst.Dr. Arsim Sinani është profesor në Departamentin e Antropologjisë në Fakultetin Filozofik të Universitetit të Prishtinës. Ka doktoruar në Universitetin e Tiranës, në trajtimin e problemeve të gjuhës shqipe, në Maqedoninë veriore. Ka drejtuar në Universitetin e Prishtinës, Institutin e studimeve sociale e humanistike (ISSH) në Fakultetin Filozofik. I specializuar në Universitetin e Columbias (SHBA), Instituti i studimeve për të drejtat e njeriut në: Social harmony and conflict resolution.  Ka organizuar trajnime për lidership, menaxhim të trashëgimisë kulturore, e media. Ka ideuar dhe ngritur Muzeun e Mehmet Gegës, Muzeun e Rafi Halilit. Monument është një nga projektet e tij, ku trajtohet Kujtesa e luftës së Kosovës, në Kullën e Nikajve në Kosovë. I dekoruar me medalje nga presidenti i Republikës së Kosovës (2018), për kontributin e tij në Arsim e Kulturë.

Nga Instituti nacional “Muzeu i alfabetit të gjuhës shqipe” Manastir në 116 vjetorin e Kongresit të Manastirit (2024) është vlerësuar me çmim, ku ideuar  projektin permanenent në sallën e Komisionit të alfabetit “udhëtimi i shkronjave në Manastir (2018).

Ka organizuar konferenca dhe ekspozita me dokumente arkivore e fotografi në vend dhe jashtë.Ka të botuar disa libra, më i rëndësishmi është: “Moszyrtarizimi I gjuhës shqipe në Republikën e Maqedonisë”. Pasion i ka librat e vjetra, dhe pejsazhet e Malit Sharr.